Da Senda do Río Caselas a Arantei e Caldelas de Tui.

Na Ponte do Picado xa estivera fai uns días como poderedes ollar nesta ligazón.Agora a Senda  xa está rematada e foi inaugurada recentemente.Certamente mellorou , xa ten bancos onde sentarse e tamén uns paneis xiratorios moi ben pensados,que son moi didácticos en canto a flora e fauna da propia senda.Máis a maior ledicia foi comprobar  dende a Ponte do Picado , que o Río Caselas tiña peixes.

Dende a Ponte do Picado pasei a veciña Arentei.Andando un pouco pola estrada PO-404 din chegado a Área Recreativa do Manteiro.Esta área atopase en malas condicións como poderedes ollar nas fotos.Penso que agora que o río non atufa, paga a pena axeitala.

Crucei o río por un pequeno paso.Seguindo o camiño din chegado aos lugares do Souto, O Calvario e As Peteiras por Terras de Caldelas de Tui.Para volver o punto de partida pola estrada onde está o Centro de Experimentación e Capacitación Agraria.

Fermosos paneis.

A Área Recreativa do Manteiro está moi abandoada.

A Casa a carón da Área recreativa ,tamén está en mal estado e abandoada.

Por aquí crucei o río.

Tomei este camiño que me levou a terras de Caldelas de Tui.

Esta abondosa planta coñecida en castelán como Llantén, ten moitas aplicacións curativas  e mesmo gastrónomicas.E boa para as picaduras dos  insectos ou das ortigas.

O Río Caselas pasando polo Souto en Caldelas de Tui.

Os montes de Portugal ao fondo.

Esta nespereira de Peteiras está chea de froitos.

Esta serpe non tivo moita sorte.